“Model ML” startapı 75 milyon dollar investisiya alıb

Süni intellekt əsaslı fintech startapı “Model ML” 75 milyon dollar dəyərində A seriyası investisiya raundunu tamamlayıb.Şirkət bildirib ki, cəlb olunmuş vəsait qlobal miqyasda genişlənmənin sürətləndirilməsi və maliyyə sahəsində süni intellekt imkanlarının inkişafı üçün istifadə olunacaq.

Valyuta.az xəbər verir ki, “Model ML” 2024-cü ildə Chaz Englander vəArnie Englander tərəfindən təsis edilib. Startap maliyyə xidmətləri sahəsində fəaliyyət göstərən təşkilatlar üçün süni intellekt əsaslı iş axını avtomatlaşdırma platforması hazırlayır.

Platforma maliyyə komandalarına müxtəlif və etibarlı mənbələrdən toplanmış məlumatları avtomatik emal etməyə, əvvəlcədən müəyyən edilmiş formatlarda "Word", "PowerPoint" və "Excel" sənədləri yaratmağa imkan verir. Bu sənədlərə investisiya qeydləri, təqdimatlar, hesabatlar və portfel təhlilləri daxildir.

“Model ML” bu prosesi avtomatlaşdıraraq sənədlərin hazırlanmasına sərf olunan vaxtı və əl əməyini azaldır, eyni zamanda inkişaf etmiş yoxlama sistemləri ilə səhvlərin qarşısını alır. Şirkət böyük banklar, aktivlərin idarəedilməsi firmaları və məsləhət şirkətləri ilə əməkdaşlıq edir. Platforma mürəkkəb məlumat mənbələri arasında məntiqi əlaqə qurmaq və korporativ səviyyədə tətbiq edilə bilən həllər təqdim etmək qabiliyyətinə malikdir.

Mayya Hüseynova