Tramp süni intellektlə bağlı vahid qaydaları təsdiqləməyə hazırlaşır

ABŞ prezidenti Donald Tramp “əyalət səviyyəsində qaydaların süni intellekti məhv edəcəyini” bildirərək bu həftə süni intellekt üçün vahid “qayda kitabı”na dair fərman imzalayacağını açıqlayıb.

Valyuta.az xəbər verir ki, Tramp bununla bağlı “Truth Social” hesabında paylaşım edib.

Süni intellekt sahəsində liderliyini davam etdirmək istəyirsə, ABŞ-nin vahid “qayda kitabı”na ehtiyac olduğunu vurğulayan Tramp deyib: "Hazırda bütün ölkələri geridə qoyuruq, lakin əksəriyyəti "pis aktyor" olan 50 əyalət qayda və təsdiq prosesinə daxil olarsa, bu üstünlük çox çəkməyəcək. Buna heç bir şübhə olmamalıdır. Süni intellekt körpəlik dövründə məhv ediləcək".

Tramp bu həftə “vahid qaydanı” özündə əks etdirən fərman imzalayacağını qeyd edərək əlavə edib: "Bir şirkətdən hansısa işi görmək üçün 50 müxtəlif təsdiq almasını gözləyə bilməzsiniz. Bu heç vaxt işləməz".

Paşa Məmmədli