Kasıb ailədən qlobal media imperiyasına - SƏHƏR OXUSU

Oprah Gail Winfrey, 29 yanvar 1954‑cü ildə Missisipi ştatının Kosciusko şəhərində kasıb ailədə anadan olub və çətin uşaqlıq illərindən sonra dünyanın ən nüfuzlu media imperatorlarından birinə çevrilib.

Valyuta.az xəbər verir ki, o, talk‑şou aparıcısı, prodüser, müəllif və media sahibkarı kimi tanınır.

Onun karyerası “The Oprah Winfrey Show”dan başlayaraq qlobal biznes imperiyasına uzanan yolçuğu əks etdirir. 

1986‑cı ildə Winfrey öz prodüser şirkəti "Harpo Production"ı qurdu və bu şirkət vasitəsilə “The Oprah Winfrey Show”un istehsal hüquqlarını ələ aldı. Bu proqram 25 il davam edib və ABŞ‑da ən yüksək reytinqli talk‑şoulardan birinə çevrildi. 

Winfrey həm də “O, The Oprah Magazine” jurnalını və Oprah Winfrey Network (OWN) adlı özəl televiziya kanalını yaratdı. OWN 2011‑ci ildə fəaliyyətə başladı və Oprah burada müxtəlif proqramlar və öz markalı məzmunlar yayımladı. 

Sərvət baxımından da Oprah Winfrey 2025‑ci ildə dünya miqyasında yüksək varlı şəxslər arasında yer alır. "Forbes"in hesablamalarına görə, Oprahin sərvəti təxminən 3.2 milyard dollar səviyyəsindədir və o, öz sahəsində ən zəngin şəxslərdən biridir. 

Oprah həmçinin media layihələri, kino‑televiziya prodüksiyaları və xeyriyyəçiliklə məşğul olur. O, Oprah Winfrey "Leadership Academy for Girls" kimi layihələrlə təhsilə dəstək verir və xeyriyyə sahəsində aktivdir. 

Kasıb ailədən başlayan Oprah Winfrey qlobal media imperiyasına malik sahibkar kimi media sahəsində iz qoyub və iş həyatında qazandığı uğurla milyardlarla dollarlıq sərvətə sahib olub. 

Mayya Hüseynova