Bank olmayan kredit təşkilatlarına kredit qoyuluşu artıb

Bu ilin oktyabr ayında Azərbaycan iqtisadiyyatında qeyri-bank kredit təşkilatlarına kredit qoyuluşu 1 milyard 765,5 milyon manat təşkil edib.

Valyuta.az xəbər verir ki, bu, ötən ilin eyni dövrü ilə müqayisədə 3,92% və ya 66,9 milyon manat artım deməkdir.

Nəzərə çatdıraq ki, ötən ilin eyni dövründə qeyri-bank kredit təşkilatlarına kredit qoyuluşu 1 milyard 698,6 milyon manat olub.

Qeyd edək ki, bu ilin oktyabr ayında Azərbaycan iqtisadiyyatına cəmi kredit qoyuluşunun həcmi 31 milyard 169,4 milyon manat təşkil edib.

Tənzilə Ağabalayeva