"IBM" dünya üzrə 2 min 700 nəfəri işdən çıxarır

Son dövrlərdə bir çox texnologiya şirkətləri əməliyyat səmərəliliyini artırmaq və süni intellekt sahəsinə daha çox resurs ayırmaq məqsədilə işçi ixtisarlarına gedir. İndi isə bənzər addımı "IBM" atıb.

Valyuta.az xəbər verir ki, ABŞ mərkəzli texnologiya şirkəti ilin dördüncü rübündə qlobal miqyasda ixtisarlara başlayacağını açıqlayıb.

"IBM", bu addımın ümumi işçi heyətinin təxminən 1 faizini - yəni 2 min 700 nəfəri əhatə edəcəyini bildirib. Şirkətin dünya üzrə 270 min nəfərlik işçi heyəti mövcuddur.

"IBM" sözçüsü bəyan edib ki, bəzi ABŞ mərkəzli vəzifələr də bu prosesdən təsirlənəcək. Bununla belə, yeni işə qəbul sayəsində ölkə üzrə ümumi işçi sayısının illik baxımdan sabit qalacağı gözlənilir.

Son zamanlar bir çox texnologiya şirkəti əməliyyat effektivliyini artırmaq və süni intellekt sahəsinə daha çox sərmayə yönəltmək məqsədilə oxşar tədbirlər görür. Məsələn, "Amazon" ötən ay 30 min korporativ əməkdaşını işdən çıxarmışdı.

Qeyd edək ki, "IBM" mart ayında marketinq və kommunikasiya komandalarında ixtisarlara getmiş, insan resursları departamentində isə süni intellekt dəstəklı sistemlərin tətbiqi nəticəsində təxminən 200 vəzifəni ləğv etmişdi. Şirkətin baş direktoru Arvind Krişna "The Wall Street Journal"a verdiyi açıqlamada bu transformasiya nəticəsində satış və proqram təminatı inkişafı komandalarına daha çox resurs ayırmaq imkanının yarandığını bildirmişdi.

Oktyabr ayında isə "IBM" gözləntiləri üstələyən mənfəət əldə etmiş, proqram təminatı gəlirlərində 10 faizlik artım qeydə alınmışdı.

Mayya Hüseynova