Qadınların remote işləməsinə imkan yaradan 7 proqram

Türkan Əkbərova
      Almaniyada “Accenture” şirkətində İnsan resursları mütəxəssisi

Bəzisi Azərbaycan üçün uyğundur, bəzisi deyil və Azərbaycandan kənarda olan, Avropadakı və ya Amerikadakı qadın auditoriyam faydalana bilər.

1. The Mom Project – themomproject.com

Azərbaycan üçün uyğunluq: ORTA
Bu platformadakı iş elanlarının çoxu ABŞ-a yönəlikdir, amma bəzən beynəlxalq “remote” işlər də paylaşılır.
Tövsiyə: “Remote” və “Worldwide” açar sözləri ilə axtarış et.

2. PowerToFly – powertofly.com

Azərbaycan üçün uyğunluq: YÜKSƏK
Çoxsaylı beynəlxalq şirkətlər buradan istifadə edir və bir çoxu uzaqdan işləməyi dəstəkləyir.
Tövsiyə: “Remote worldwide” filtrlərini işə salaraq axtar.

3. RemoteWoman – remotewoman.com

Azərbaycan üçün uyğunluq: YÜKSƏK
Saytda yerləşdirilən işlər əsasən qlobal səviyyədə uzaqdan çalışma imkanları təklif edir.
Tövsiyə: “Anywhere in the world” qeyd olunan elanlara fokuslan.

4. FairyGodBoss – fairygodboss.com

Azərbaycan üçün uyğunluq: ORTA/AŞAĞI
Bu platforma əsasən ABŞ və Kanada bazarına xidmət edir. Lakin bəzən “remote” elanlara rast gəlmək mümkündür.
Tövsiyə: “Remote” sözünü axtarışda qeyd et və elan detallarını diqqətlə oxu.

5. Women Who Code – womenwhocode.com

Azərbaycan üçün uyğunluq: YÜKSƏK (texniki sahələr üçün)
Kodlaşdırma, texniki dəstək, data elmi kimi sahələrdə çalışanlar üçün beynəlxalq iş imkanları təqdim olunur.
Tövsiyə: Texniki bacarıqlarını önə çıxar və “remote” işlərə fokuslan.

6. SheCanCode – shecancode.io

Azərbaycan üçün uyğunluq: YÜKSƏK
Startaplar və texnologiya şirkətləri beynəlxalq əməkdaşlığa açıqdır. Çox sayda qlobal “remote” iş var.
Tövsiyə: UX/UI, proqramlaşdırma, məhsul menecmenti və dizayn sahələrinə bax.

7. Elpha – elpha.com

Azərbaycan üçün uyğunluq: ORTA/YÜKSƏK
Platformada qlobal “remote” iş elanları olur və qadınlar üçün güclü dəstək icması var.
Tövsiyə: Aktiv iştirak et və “remote” işlərə müraciət et.