Gülşən Cumayeva “PAŞA Kapital”da yüksək vəzifəyə gətirildi

Gülşən Cumayevaya “PAŞA Kapital”da yeni vəzifə verilib.

Valyuta.az xəbər verir ki, o, “PAŞA Kapital” İnvestisiya Şirkətində Korporativ Kommunikasiyalar, İnsan Resursları və Biznesə Dəstək blokunun direktoru vəzifəsinə təyin edilib.

G.Cumayeva, bundan əvvəl şirkətdə Marketinq və Kommunikasiya rəhbəri kimi fəaliyyət göstərib.

O, karyerası ərzində “Bank of Baku”da İctimaiyyətlə əlaqələr və reklam departamentinin direktoru, İctimaiyyətlə əlaqələr şöbəsinin müdiri və KİV-lə əlaqələr şöbəsinin müdiri vəzifələrində çalışıb.

Həmçinin “Rabitəbank” və “Finca Azerbaijan”da ictimaiyyətlə əlaqələr sahəsində rəhbər vəzifələr tutub.