Azərbaycan bu ölkədən kilosu 11,9 manatdan krevet alıb

Cari ilin yanvar ayında Azərbaycana ümumilikdə 48.46 ton (48,460 kq) hisə verilmiş digər krevetlər və mişarvari krevetlər idxal olunub.   

Valyuta.az xəbər verir ki, bu idxal üçün ümumi xərc 289.51 min ABŞ dolları təşkil edib.

Krevetlərin idxalı əsasən üç ölkədən - İran İslam Respublikası, Çin və Hindistandan həyata keçirilib.

Həcmin əsas hissəsi, yəni 22 tonu Çindən gətirilib. Bu məhsullar üçün 120.8 min ABŞ dolları ödənilib. Beləliklə, bu istiqamətdən gətirilən 1 kq krevetin qiyməti 5.49 dollar və ya 9.33 manat olub.

Hindistandan idxal olunan 20.66 tonluq krevet üçün 128.11 min dollar xərc çəkilib. 1 kq məhsulun qiyməti burada 6.20 dollar və ya 10.54 manat təşkil edib.

Ən yüksək qiymətə gətirilən krevet İran İslam Respublikası mənşəlidir. Cəmi 5.8 ton məhsul üçün 40.6 min dollar ödənilib. Bu, 1 kq məhsula görə 7 dollar və ya 11.9 manat deməkdir. 

Mayya Hüseynova