Bankların aktivləri 3 milyard manatdan çox artıb

Cari ilin yanvar-fevral aylarında Azərbaycanda fəaliyyət göstərən bankların cəmi aktivləri 57 milyard 132.8 mln. manat təşkil edib. 

Valyuta.az xəbər verir ki, cəmi aktivlər ötən ilin eyni dövrü ilə müqayisədə 3 milyard 571.1 mln. manat və ya 6.67% artıb. 

Belə ki, 2025-ci ilin yanvar-fevral aylarında bank sektorunun cəmi aktivləri 53 milyard 561.7 mln. manat olub. 

Hesabat dövründə bank sektorunun cəmi öhdəlikləri də artım göstərib. Belə ki, öhdəliklər ötən ilin müvafiq dövrü ilə müqayisədə 2 milyard 869.0 mln. manat və ya 6.14% artaraq cari ilin yanvar-fevral aylarında 49 milyard 617.4 mln. manata çatıb.  

Eyni zamanda, bank sektorunun balans kapitalı da artaraq 2025-ci ildəki 6 milyard 813.2 mln. manatdan 7 milyard 515.4 mln. manata yüksəlib.