Xarici şirkətin avtomobilləri 50% endirimlə satışa çıxarılır

30 aprel tarixində “BOS Shelf İnternational FZCO” şirkətinin Azərbaycan Respublikasındakı filialına məxsus nəqliyyat vasitələri 50% endirimlə 4-cü dəfə təkrar hərraca çıxarılacaq.

Valyuta.az xəbər verir ki, hərraca çıxarılan əmlaklar əsasən minik avtomobillərindən ibarətdir.

Siyahıya 2014-2015-ci il buraxılışlı müxtəlif markalı nəqliyyat vasitələri daxildir.  Onların arasında “Audi A6”, “Toyota Prado” və “Hyundai Santa Fe” modelləri üstünlük təşkil edir.

İlkin satış qiyməti bəzi avtomobillər üzrə 484 848 manat təşkil edir. Hərracda iştirak üçün tələb olunan 10 faiz beh məbləği isə 48 484,80 manat müəyyən edilib.

Qeyd edək ki, təqdim olunan siyahıda ən çox paya malik nəqliyyat vasitələri “Toyota Prado” markalı avtomobillərdir. Eyni buraxılış ilinə aid çoxsaylı bu model avtomobillərin satışa çıxarılması diqqət çəkir. Bundan əlavə, siyahıda bir neçə “Hyundai Santa Fe” və bir ədəd “Audi A6” avtomobili də yer alır.

Mayya Hüseynova