Avtomobili olanlar ötən il 78 milyonluq ödəniş ediblər

2025-ci ilin yanvar-dekabr aylarında avtonəqliyyat vasitələrinin sığortası üzrə yığımlar 78 milyon 626 min manat təşkil edib.

Valyuta.az xəbər verir ki, bu göstərici 2024-cü ilin eyni dövründə qeydə alınan 66 milyon 32 min manatla müqayisədə 12 milyon 594 min manat və ya 19,07% artım deməkdir.

Ödənişlərə gəldikdə, 2025-ci ilin yanvar-dekabr aylarında avtonəqliyyat vasitələrinin sığortası üzrə 32 milyon 463 min manat ödəniş həyata keçirilib.

2024-cü ilin eyni dövründə isə bu rəqəm 23 milyon 296 min manat olub.

Beləliklə, sığorta ödənişlərində 9 milyon 167 min manat və ya 39,35% artım qeydə alınıb.

Sərvanə Rəmixanova