Azərbaycan 7 ölkədən səməni idxal edib - SİYAHI/MƏBLƏĞ

2025-ci ilin yanvar-dekabr aylarında Azərbaycan xarici ölkələrdən 154,38 ton qovrulmuş səməni idxal edib.

Valyuta.az xəbər verir ki, idxal olunan məhsulun ümumi dəyəri 136,2 min ABŞ dolları təşkil edib. Bu isə orta hesabla bir kiloqram üçün təxminən 0,88 dollar və ya 1,50 manat deməkdir.

Hesabat dövründə qovrulmuş səməni 7 ölkədən - Rusiya, Türkiyə, Almaniya, Belçika, Finlandiya, Polşa və Slovakiyadan idxal olunub.

Belə ki, ən böyük həcm Slovakiyanın payına düşüb. Belə ki, bu ölkədən 110,8 ton həcmində, 97,84 min ABŞ dolları dəyərində məhsul gətirilib. Slovakiyadan idxal olunan səmənin bir kiloqramının qiyməti 0,88 dollar və ya 1,50 manat olub.

Rusiyadan 37,1 ton olmaqla 22,6 min ABŞ dolları dəyərində səməni idxal edilib. Bu ölkədən gətirilən məhsulun bir kiloqramı 0,61 dollar və ya 1,04 manata başa gəlib.

Almaniyadan 2,98 ton həcmində 9,95 min ABŞ dolları dəyərində səməni gətirilib. Bir kiloqramın qiyməti 3,34 dollar və ya 5,68 manat olub.

Belçikadan 2 ton olmaqla 2,62 min ABŞ dolları dəyərində idxal qeydə alınıb. Bu isə bir kiloqram üçün 1,31 dollar və ya 2,23 manat təşkil edib.

Polşadan 0,7 ton həcmində 1,01 min ABŞ dolları dəyərində məhsul idxal olunub. Bir kiloqramın qiyməti 1,44 dollar və ya 2,45 manat olub.

Finlandiyadan isə 0,5 ton olmaqla 0,6 min ABŞ dolları dəyərində səməni gətirilib. Bu ölkədən idxal olunan məhsulun bir kiloqramı 1,20 dollar və ya 2,04 manat olub.

Ən bahalı səməni Türkiyədən idxal edilib. Belə ki, bu ölkədən 0,3 ton həcmində 1,58 min ABŞ dolları dəyərində məhsul alınıb. Bir kiloqramın qiyməti 5,27 dollar və ya 8,96 manat təşkil edib.

Beləliklə, idxalın əsas hissəsi Slovakiyanın payına düşüb, ən yüksək qiymət isə Türkiyədən gətirilən məhsulda qeydə alınıb.

Sərvanə Rəmixanova