Azərbaycandan 242,4 milyon dollarlıq alüminium ixrac olunub

2025-ci ilin 12 ayı ərzində Azərbaycandan 242 milyon 401,47 min dollar dəyərində 85 min 134,84 ton alüminium ixrac edilib.

Valyuta.az xəbər verir ki, alüminium ixracı 2024-cü ilin eyni dövrü ilə müqayisədə dəyər ifadəsində 45 milyon 345,24 min dollar və ya 23,01%, miqdar ifadəsində isə 12 min 496,17 ton və ya 17,20% artıb.

Qeyd edək ki, 2024-cü ilin 12 ayı ərzində Azərbaycandan 197 milyon 56,23 min dollar dəyərində 72 min 638,67 ton alüminium ixrac olunmuşdu.

Hesablamalara əsasən, 2025-ci ilin yanvar–dekabr aylarında ixrac olunan alüminiumun 1 kiloqramının orta ixrac qiyməti 2,85 dollar (4,85 manat) təşkil edib. 2024-cü ilin eyni dövründə isə bu göstərici 2,71 dollar (4,61 manat) olub.

Beləliklə, orta ixrac qiyməti illik müqayisədə 0,14 dollar və ya təxminən 5% (0,24 manat) artıb.

Tənzilə Ağabalayeva