Bayram günlərində bölgə otellərində QİYMƏTLƏR

Yeni il bayramı yaxınlaşdıqca vətəndaşların bölgələrə üz tutması müşahidə olunur. Bir qisim bayramı ailə mühitində keçirməyə üstünlük versə də, digərləri Yeni ili otel istirahəti, qala gecələri, canlı musiqi və bayram proqramları ilə qarşılamağı seçir. Bu səbəbdən hər il olduğu kimi bu il də ölkənin müxtəlif bölgələrində yerləşən otellərdə Yeni il paketlərinə maraq artıb. Bəs Yeni ili bölgələrdə qarşılamaq neçəyə başa gəlir? 

Valyuta.az bölgə otellərində təqdim olunan bayram paketlərini və qiymətləri araşdırıb.

Qarabağ bölgəsi

Qarabağ Otel

31 dekabr giriş  2 yanvar çıxış
(2 gecə / 2 nəfər)
Ümumi qiymət: 500 AZN

Paketə 31 dekabr tarixində canlı musiqili şou proqramı və qala gecəsi şam yeməyi daxildir. Tədbir çərçivəsində tar və kaman ifası, DJ Leo & LEO-nun performansları, eləcə də atəşfəşanlıq şousu təqdim olunur.

1 yanvar səhər yeməyi, axşam isə canlı musiqi proqramı təşkil edilir.
2 yanvar səhər yeməyindən sonra çıxış nəzərdə tutulur.

Ulus Otel (Xankəndi)

2 nəfər (səhər yeməyi daxil) – 140 AZN

4 nəfər (səhər yeməyi daxil) – 280 AZN

Cahan Otel (Xankəndi)

2 nəfərlik otaqlar üzrə:

1 gecə / 2 gün – 360 AZN

2 gecə / 3 gün – 640 AZN

3 gecə / 4 gün – 920 AZN

Paketə qala gecəsi, canlı musiqi, DJ performansı, şou proqram və bayrama özəl menyu daxildir.

Qəbələ rayonu

Yeddi Gözəl Otel

31 dekabr tarixi üçün 2 nəfərlik gecələmə paketi 320 AZN-ə təqdim olunur.
Paketə səhər yeməyi, fitnes və sauna, qala gecəsində yeməklər və içkilər, əyləncə və şou proqramı, Şaxta baba və Qar qızın iştirakı, eləcə də atəşfəşanlıq daxildir.

Qəbələ Garden Ootel

31 dekabr - 2 yanvar
(2 nəfərlik standart otaq)
Qiymət: 986 AZN

Qiymətə səhər yeməyi, spa xidmətləri və qala gecəsində axşam yeməyi daxildir.

Tufandağ Otel – Qəbələ

1699 AZN-dən başlayan qiymətlərlə
(2 gecə / 2 nəfər)

Paketə səhər yeməyi, bayram qala şam yeməyi, əyləncə proqramı, SPA və sağlamlıq mərkəzi (türk hamamı, buxar otağı, fitnes zalı) daxildir.

İsmayıllı rayonu

İsmayıllı Resort Otel

31 dekabr - 2 yanvar
(3 gün / 2 gecə)
Qiymət: 550 AZN

Qiymətə səhər yeməyi, bayrama özəl şam yeməyi, qala gecəsi, şou proqram, canlı musiqi, sauna, hamam və şok hovuz daxildir.

Şəki rayonu

Şəki Palace Otel

2 gecə / 3 gün
(2 nəfər)
Qiymət: 660 AZN

Paketə qala gecəsi, canlı musiqi, DJ party, Şaxta baba və Qar qız, səhər yeməyi, türk hamamı, qapalı hovuz və fitness daxildir.

Marxal Resort & Spa

Yeni il qala gecəsi üçün minimal rezervasiya 2 gecədir.

2 nəfərlik otaqlar üzrə:

Standard eyvansız – 1600 AZN

Standard eyvanlı – 1600 AZN

Deluxe Suite – 1680 AZN

Corner Suite – 1740 AZN

Marxal Suite – 1800 AZN

Executive Suite – 2680 AZN

Couple Villa – 1740 AZN

4 nəfərlik seçimlər:

Ambassador Suite – 3340 AZN

Standard Villa – 2860 AZN

Qiymətə səhər yeməyi, 31 dekabr qala gecəsi, canlı musiqi, əyləncə proqramı, uşaq zonası və müəyyən spa xidmətləri daxildir.
0–2 yaş ödənişsiz, 3-11 yaş - 335 AZN, 12 yaşdan yuxarı-355 AZN.

Quba rayonu

Şahdağ Truskavets

31 dekabr - 2 yanvar
(1 nəfər)
Qiymət: 290 AZN

Qiymətə günorta yeməyi, 31 dekabr qala gecəsi (banket menyusu), 1 yanvar səhər, günorta və axşam yeməkləri, 2 yanvar səhər yeməyi daxildir.

Əlavə olaraq qapalı aquapark, açıq və qapalı hovuzlar, spa, sauna, türk hamamı, kitabxana və Kids Club xidmətləri təqdim olunur. Qala gecəsində canlı musiqi və spirtli, spirtsiz içkilər daxildir.

Təngəaltı Resort

31 dekabr – 2 yanvar:

Ekonom otaq (2 nəfər) – 500 AZNStandart otaq (2 nəfər) – 550 AZN

Jakuzili otaq (2 nəfər) – 750 AZN

Paketə 2 gecə qonaqlama, yeni il şənliyi, 31 dekabr şam yeməyi, 1 və 2 yanvar səhər yeməyi, canlı musiqi, DJ xidməti, Şaxta baba və Qar qız, atəşfəşanlıq, qapalı hovuz, sauna, idman zalı və stolüstü tennis daxildir.

Qusar rayonu

Deluxe Park Qusar

31 dekabr – 2 yanvar:

2 nəfər – 1160 AZN

4 nəfər – 1820 AZN

Qiymətə 31 dekabr qala gecəsi və şou proqram, 1 və 2 yanvar səhər yeməyi, spa xidmətləri və gecələmə daxildir.

Gəncə şəhəri

Premium Hotel

Standart otaqlar:

1 nəfər – 90 AZN

2 nəfər – 110 AZN

3 nəfər – 130 AZN

Delüks otaqlar:

1 nəfər – 100 AZN

2 nəfər – 120 AZN

Suit otaqlar (1–2 nəfər) – 170 AZN

Əlavə yataq:
0–5 yaş – ödənişsiz, 6–11 yaş – 10 AZN, 12 yaşdan yuxarı – 20 AZN.
Səhər yeməyi (açıq bufet) qiymətə daxildir.
Giriş 14:00, çıxış 12:00-dəkdir.

Sərvanə Rəmixanova