Şirkət 1,8 milyard dollar qiymətləndirmə ilə 300 milyonluq investisiya alıb

ABŞ-da yerləşən “Radiant” şirkəti D seriyası investisiya raundunu uğurla yekunlaşdırıb. Bu mərhələdə şirkətə 300 milyon dollardan artıq investisiya yatırılıb. 

Valyuta.az xəbər verir ki, daşına bilən nüvə mikroreaktorları hazırlayan “Radiant”ın bu raundda əsas investorları sırasında “Ark Venture Fund”, “Chevron Technology Ventures”, “Friends & Family Capital” və “Founders Fund” yer alıb.

2020-ci ildə təsis olunan şirkətin ümumi bazar dəyəri 1,8 milyard dollara yüksəlib. “Radiant Nuclear” investisiyalardan əldə edilən vəsaiti 1 meqavat gücündə daşına bilən mikroreaktorun nümayişini başa çatdırmaq, tənzimləyici prosesləri sürətləndirmək və kütləvi istehsala keçmək üçün istifadə etməyi planlaşdırır.

“Duq Bernauer” və “Bob Urbanqer” tərəfindən təsis edilən “Radiant” şirkəti, fasiləsiz və yerində elektrik istehsalını təmin etmək məqsədilə kompakt nüvə reaktorları hazırlayır. Şirkətin təqdim etdiyi sistem yarımqoşqu ilə daşına bilən və 1 meqavat gücündə elektrik enerjisi istehsal edə bilən qurğudur.

“Radiant”ın reaktoru heliumla soyudulur və yüksək təhlükəsizlik səviyyəsinə malik “TRISO” yanacağından istifadə edir. Sistem 5 il ərzində yanacaq dəyişmədən işləyə bilir. 

Mayya Hüseynova