Bitcoin çöküşdən sonra bahalaşmağa başladı: Analitikdən yeni proqnoz

Bitcoin bazar ertəsi, 9 fevral tarixində, keçən həftəki kəskin dalğalanmalardan sonra 70 000 dollar ətrafında stabilləşib. Analitiklər bildirirlər ki, kriptovalyuta hələ də qalxa bilər.

Valyuta.az xəbər verir ki, bu barədə "Bloomberg" yazıb.

"Binance" birjasının məlumatına görə, saat 13:02 (Bakı vaxtı) Bitcoin 69 503,86 dollar səviyyəsindədir.

"IG Australia" bazar analitiki Toni Sikamor hesab edir ki, token yenidən 81 000 dollar səviyyəsinə çata bilər: “73 000–75 000 dollar aralığında bərpa üçün imkan var. Bu səviyyəni keçdikdən sonra bərpa 81 000 dollara qədər davam edə bilər".

Ən populyar kriptovalyuta ticarətçiləri ciddi narahat etmişdi. Bitcoin 16 aylıq minimuma – 60 000 dollara düşmüşdü.

6 fevralda token minimumlardan geri qalxmağa başlayıb. Bu, texnologiya şirkətlərinin qlobal aksiyalarının satışı və digər riskli aktivlərə yayılması fonunda baş verib, amma həftənin sonunda satış təzyiqi zəifləyib.

Kripto bazarındakı əhvala qiymətli metallar və aksiyaların satışı təsir göstərib. Xüsusilə qızıl və gümüş daha volatillik göstərib, lakin cümə günü satış təzyiqi zəifləyib.

Paşa Məmmədli