Ən çox biznes krediti verən 10 bank - CƏDVƏL

2026-cı ilin birinci rübündə Azərbaycanda biznes kreditləri üzrə ən böyük portfelə malik bank ABB olub. Bankın biznes kreditlərinin həcmi 3 milyard 526 milyon 784 min 340 manat təşkil edib.

Valyuta.az xəbər verir ki, hesabat dövründə bank sektorunda biznes kreditləri üzrə aktivlik əsasən iri bankların üstünlüyü ilə müşahidə olunub. Xüsusilə korporativ müştərilərlə işləyən banklar bazarın əsas hissəsini nəzarətdə saxlayır.

Siyahıda ikinci yerdə 3 milyard 15 milyon 73 min manatla PAŞA Bank, üçüncü yerdə isə 1 milyard 732 milyon 254 min manatla Kapital Bank qərarlaşıb. İlk üçlük bazarın əhəmiyyətli hissəsini formalaşdırır ki, bu da kredit portfellərinin konsentrasiyasının yüksək olduğunu göstərir.

Dördüncü yerdə 1 milyard 87 milyon manatdan çox göstərici ilə Bank Respublika, beşinci pillədə isə 1 milyard manata yaxın kredit portfeli ilə AccessBank yer alıb. Bu banklar da orta və iri biznesin maliyyələşdirilməsində aktiv iştirak edir.

Siyahının növbəti pillələrində isə daha çox kiçik və orta biznes seqmentinə fokuslanan banklar qərarlaşıb. Belə ki, Yelo Bank 671 milyon manat, Unibank 622 milyon manat, Rabitəbank 417 milyon manat həcmində biznes krediti verib.

Siyahını Premium Bank - 363 milyon manat və TuranBank 352 milyon manatla tamamlayır. 

Ümumilikdə, təqdim olunan rəqəmlər göstərir ki, 2026-cı ilin ilk rübündə biznes kredit bazarında əsas pay bir neçə iri bankın əlində cəmləşib. 

2026-cı ilin ilk üç ayında ən çox biznes krediti verən 10 bank cədvəldəki kimi olub:

Mayya Hüseynova