İşsiz Azərbaycan vətəndaşları turist kimi hansı ölkələrə səfər ediblər?

2025-ci ildə turizm məqsədilə xarici ölkələrə səfər edən Azərbaycan vətəndaşlarının iqtisadi fəallıq statusu üzrə ümumi sayı 1 milyon 179 min 207 nəfər təşkil edib.

Valyuta.az xəbər verir ki, bu səfərlər arasında işsiz statusunda olanların sayı 4 min 152 nəfər olub. Müqayisə üçün qeyd edək ki, 2024-cü ildə işsizlərin xaricə səfər edənlərinin sayı 4 min 970 nəfər təşkil edib.

Beləliklə, illik müqayisədə 818 nəfər və ya 16,45% azalma qeydə alınıb.

Statistikaya görə, işsizlərin ən çox səfər etdiyi ölkə 2 min 8 nəfərlə Gürcüstan olub. Digər əsas istiqamətlər üzrə göstəricilər belədir:

Rusiya - 652 nəfər
Qazaxıstan - 628 nəfər
Çin - 173 nəfər
Birləşmiş Ərəb Əmirlikləri - 170 nəfər
Moldova - 112 nəfər
Polşa - 75 nəfər

Statistikaya əsasən demək olar ki, işsiz statusunda olan vətəndaşların xaricə səfərlərində azalma müşahidə olunsa da, yaxın və regional istiqamətlər hələ də əsas seçim olaraq qalır.

Sərvanə Rəmixanova