"Meta" 2 milyardlıq startap satınalma müqaviləsindən geri çəkilir

"Meta" süni intellekt agentləri üzərində çalışan "Manus" startapını satın alma planından imtina etməyə başlayıb.

Valyuta.az xəbər verir ki, buna səbəb Çin hökumətinin milli təhlükəsizlik əsasları ilə sövdələşməyə mane olmasıdır.

Şirkət artıq "Manus" ilə məlumat paylaşımını dayandırıb və startapın "Meta"nın daxili sistemlərinə çıxışını tamamilə bağlayıb. Həmçinin "Meta" əməkdaşlarının "Manus"un alətlərindən daxili layihələrdə istifadəsinə son verilib.

"Bloomberg"in məlumatına görə, Çin tənzimləyiciləri bu ilin əvvəlində sövdələşməni texnologiya ixracı nəzarəti və xarici investisiya qaydaları çərçivəsində araşdıraraq onun ləğv olunmasına qərar veriblər.

Məlumata əsasən, "Manus"un həmtəsisçiləri şirkət üzərində nəzarəti yenidən əldə etmək məqsədilə xarici investorlardan təxminən 1 milyard dollar investisiya cəlb etməyi nəzərdən keçirirlər. Bu addım şirkətin Çin mərkəzli birgə müəssisəyə çevrilməsinə və gələcəkdə Honq-Konqda IPO keçirməsinə şərait yarada bilər.

Son dövrlərdə Çin hakimiyyəti texnologiya sektoruna, xüsusilə də süni intellekt şirkətlərinə nəzarəti gücləndirib. Xarici investisiyalar və beynəlxalq fəaliyyətlə bağlı əlavə təsdiq mexanizmləri tətbiq olunub.

"Meta" və "Manus" hələlik məsələ ilə bağlı rəsmi açıqlama verməyiblər.