Ölkədə bu məhsulların qiyməti artdı

Cari ilin yanvar ayında bahalaşan və ucuzlaşan qida məhsulları bəlli olub. 

Valyuta.az xəbər verir ki, statistikaya görə ən çox bahalaşan məhsullar makaron, yulaf yarması, kolbasa məmulatları, balıq və balıq məhsulları, süd, qatıq, pendir, şor, kəsmik, yumurta olub. 

Eyni zamanda, meyvələrdən naringi, banan, alma, armud, xurma və kivi bahalaşıb. Tərəvəzlərdən göyərti, xiyar, pomidor, şirin bibər, balqabaq, badımcan, sarımsaq və kartofda da bahalaşma olub.

Bahalaşan məhsullar arasında şokolad məmulatları, araq, konyak, şərab və siqaret də bu siyahıda yer alıb.

Ucuzlaşan məhsulların siyahısına gəldikdə isə yumru düyü, portağal, ağ kələm, süfrə çuğunduru, yerkökü və tomat pastası yer alıb.

Sərvanə Rəmixanova