"PAŞA Bank" əhaliyə səhm satışına başlayır - 1 səhmin qiyməti

"PAŞA Bank" səhmlərinin bir hissəsini IPO çərçivəsində satışa çıxararaq 13 aprel-12 may tarixlərində investorlar üçün abunə prosesinə başlayacağını açıqlayıb. IPO çərçivəsində bank kapitalının 5%-ini təşkil edən 932 926 ədəd adi adlı səhm investorlara təklif olunur.

Valyuta.az xəbər verir ki, bir səhmin qiyməti 55 manat olaraq müəyyən edilib.

Minimal alış həddi 1 səhm təşkil edir, maksimal limit isə tətbiq edilmir.

Səhmlərin yerləşdirilməsi Bakı Fond Birjası vasitəsilə həyata keçiriləcək. İnvestorlar IPO-da PAŞA Bank, “Birbank Invest”, əsas anderrayter “PAŞA Kapital”, “ABB Invest” və “Unicapital” platformaları və mobil tətbiqləri vasitəsilə iştirak edə biləcəklər.

Qeyd olunur ki, abunə dövründə əvvəlcədən ödənilmiş vəsaitlərə illik 5% gəlir hesablanacaq.