"Rabitəbank"ın depozit portfeli 146 milyon manat artıb

2026-cı ilin ilk üç ayının yekunlarına görə, "Rabitəbank"ın depozit portfelinin həcmi 836 milyon 293 min manat təşkil edib.

Valyuta.az xəbər verir ki, bu göstərici ötən ilin eyni dövrü ilə müqayisədə 146 milyon 237 min manat və ya 21,2 faiz çoxdur.

Bankın depozit portfeli 2025-ci ilin ilk üç ayında 690 milyon 56 min manat olub.

Hesabat dövründə bankda fiziki şəxslərin depozitləri daha yüksək artım nümayiş etdirib. Belə ki, 2026-cı ilin yanvar-mart aylarında fiziki şəxslərin depozitlərinin həcmi 622 milyon 846 min manata çatıb. Bu, illik müqayisədə 153 milyon 361 min manat və ya 32,7 faiz artım deməkdir. Müqayisə üçün qeyd edək ki, 2025-ci ilin ilk üç ayında bu göstərici 469 milyon 485 min manat səviyyəsində olub.

2026-cı ilin ilk üç ayında bankın hüquqi şəxslər üzrə depozit portfeli isə 213 milyon 447 min manat təşkil edib.

Mayya Hüseynova