Yanacaqdoldurma və qaz təchizatı obyektləri ilə bağlı qərar

Yanacaqdoldurma və qaz təchizatı obyektlərinin quraşdırılması və istismarı ilə bağlı lisenziya blanklarının yeni formaları təsdiqlənib.

Valyuta.az xəbər verir ki, bununla bağlı Baş nazir Əli Əsədov müvafiq Qərar imzalayıb.

Qərara əsasən, “Yanacaqdoldurma və qaz təchizatı obyektlərinin quraşdırılması və istismarına ümumi lisenziya”, “Yanacaqdoldurma və qaz təchizatı obyektlərinin quraşdırılmasına xüsusi lisenziya” və “Yanacaqdoldurma və qaz təchizatı obyektlərinin istismarına xüsusi lisenziya” blanklarının formaları təsdiq edilib.

Sənədə görə, yeni blank formaları hökumətin “Lisenziya blanklarının və əlavələrinin hazırlanmasına sifarişin verilməsi, onların bölgüsünün həyata keçirilməsi, blanklardan istifadənin uçotunun və hesabatının aparılması Qaydası”nın, həmçinin lisenziya, ümumi lisenziya və xüsusi lisenziya blanklarının və əlavələrinin formalarının təsdiq edilməsi haqqında 5 avqust 2016-cı il tarixli qərarına əlavə olunub.

Qərarın icrası ilə bağlı müvafiq qurumlar tərəfindən nəzərdə tutulan tədbirlərin həyata keçirilməsi təmin ediləcək.