“Yeni Klinika”nın direktoru işdən çıxarılıb? - Açıqlama/YENİLƏNİB

"Yeni Klinika"nın direktoru Barat Yusubovun vəzifəsindən azad edilməsi barədə rəsmi məlumat yoxdur.

Bu barədə Trend-in sorğusuna cavab olaraq klinikanın mətbuat xidmətindən bildirilib.

Qeyd olunub ki, B. Yusubov bu gün saat 17:30-a qədər iş başında olub. Rəsmi məlumat olduğu təqdirdə ictimaiyyətə açıqlama veriləcək.

…

19:01

Yeni Klinikanın direktoru Barat Yusubov vəzifəsindən azad edilib.

Valyuta.az bakupost.az-a istinadən xəbər verir ki, bununla bağlı TƏBİB-in icraçı direktoru Anar Bayramov tərəfindən müvafiq əmr imzalanıb.

Məlumata əsasən, Barat Yusubovun ərizəsi bir müddət əvvəl alınıb və bu gün rəsmiləşdirilib.

Qeyd edək ki, bu gün TƏBİB rəhbərinin daha beş müşavirinin də vəzifədən azad edilməsi barədə məlumat yayılıb.

Bütün bu proseslərlə bağlı TƏBİB-in İctimaiyyətlə əlaqələr departamentindən isə hər hansı açıqlama almaq mümkün olmayıb.