Alabalığın kiloqramını İrandan 7, Norveçdən 22 manata alırıq - Qiymətlər

2026-cı ilin yanvar ayında Azərbaycana xaricdən 311.07 ton həcmində təzə və ya soyudulmuş alabalıq idxal olunub.

Valyuta.az xəbər verir ki, idxalın ümumi dəyəri 1 325.46 min ABŞ dolları təşkil edib.

İdxalda əsas pay İran İslam Respublikasının olub. Bu ölkədən 310.4 ton həcmində, 1 316.69 min ABŞ dolları dəyərində alabalıq gətirilib.

Hesablamalara görə, İran mənşəli alabalığın 1 kiloqramının orta qiyməti 4.24 ABŞ dolları və ya 7.21 manat olub.

Digər ölkələr üzrə idxal həcmi xeyli azdır. Norveçdən 0.59 ton həcmində, 7.87 min ABŞ dolları dəyərində məhsul idxal edilib ki, bu da 1 kiloqram üçün orta hesabla 13.34 ABŞ dolları ( 22.68 manat) deməkdir.

Türkiyədən isə 0.07 ton həcmində, 0.9 min ABŞ dolları dəyərində alabalıq gətirilib. Bu ölkə üzrə 1 kiloqramın orta qiyməti 12.86 ABŞ dolları, 21.86 manat təşkil edib.

Mayya Hüseynova