Evinizi sığortalamaq neçəyə başa gəlir?

Azərbaycanda yaşayış evləri və mənzillərin icbari sığortası üzrə tətbiq olunan məbləğlər əmlakın yerləşdiyi əraziyə görə müəyyən edilir.

Valyuta.az xəbər verir ki, bazarda fəaliyyət göstərən Meqasığorta, Azsığorta, Atəşgah Sığorta, Paşa Sığorta və Azərbaycan Sənaye Sığortası kimi şirkətlərin təqdim etdiyi icbari sığorta şərtləri eyni çərçivədə formalaşır.

Belə ki, Bakı şəhərində yerləşən yaşayış evləri üçün sığorta məbləği 25 000 manat təşkil edir. Bu halda illik sığorta haqqı 50 manat, azadolma məbləği isə 250 manatdır.

Gəncə, Sumqayıt və Naxçıvan şəhərlərində sığorta məbləği 20 000 manat, illik sığorta haqqı 40 manat, azadolma məbləği isə 200 manat səviyyəsində müəyyən olunub.

Digər yaşayış məntəqələrində isə sığorta məbləği 15 000 manat, illik sığorta haqqı 30 manat, azadolma məbləği isə 150 manat təşkil edir.