Avtonəqliyyat sığortasında yığımlar azalıb, ödənişlər artıb

Cari ilin ilk iki ayında avtonəqliyyat vasitələrinin sığortası üzrə yığımlar azalıb, ödənişlər isə artıb.

Valyuta.az xəbər verir ki, bu ilin yanvar-fevral aylarında avtonəqliyyat vasitələrinin sığortalanması üzrə 10 milyon 254 min manat sığorta haqları toplanıb. Ötən ilin eyni dövründə isə bu göstərici 11 milyon 603 min manat təşkil edib.

Nəticədə, illik müqayisədə yığımlar 1 milyon 349 min manat və ya 11,62% azalıb.

Ödənişlər üzrə isə əks tendensiya müşahidə olunub. Belə ki, ötən ilin eyni dövründə 4 milyon 661 min manat sığorta ödənişi həyata keçirildiyi halda, cari ilin ilk iki ayında bu göstərici 5 milyon 729 min manata yüksəlib. Bu da illik müqayisədə 1 milyon 68 min manat və ya 22,91% artım deməkdir.

Ağabalayeva Tənzilə