Xanım Camalova: Sığorta Sektorunun İnkişaf Strategiyasındakı 7 fəaliyyət üzrə işlər yekunlaşıb

Sığorta sektorunun inkşafının təşkili üzrə ana fəaliyyətimizdən biri yaşıl kart əməliyyatlarının idarə edilməsi üçün regional operatora çevrilmək, icbari növ üzrə sığorta sahəsində bütün tərəflərin, balanslaşdırılmış maraq və mənafelərinə xidmət edən qanunvericilik və instosional inkişafı təmin etməkdir.

Valyuta.az xəbər verir ki, bu sözləri İSB-nin Biznesin İnkişafı Departamentinin rəhbəri Xanım Camalova "İcbari Sığorta Bürosu" Hüquqi Şəxslərin İttifaqının 2025-ci ildə icra olunmuş strateji layihələr üzrə hesabatında çıxışı zamanı bildirib.

Onun sözlərinə görə, ötən ilin İcbari sığorta Bürosunun 2025-2027-ci il üzrə strategiyası təsdiq edilib. Bu strategiyanın 2025-ci il üzrə görülmüş işlər üzrə strategiyada 14 təşəbbüs və 66 fəaliyyət nəzərdə tutulub: "Bunlardan 2025-ci il üzrə 7 fəaliyyət üzrə işlər yekunlaşdırılıb və 39 fəaliyyət üzrə işlər davam etməkdədir". 

O, əlavə edib ki, fəaliyyətlərin icrası zamanı heç bir gecikmə müşahidə edilməyib.

Sərvanə Rəmixanova