Ağ Ev "NASA"nın büdcəsini azaltmağı təklif edir

ABŞ-da Ağ Ev 2027-ci il üçün "NASA"nın büdcəsində ciddi ixtisar təklif edib.

Valyuta.az xəbər verir ki, təqdim olunan təklifə əsasən, kosmik agentliyin büdcəsi 5,6 milyard dollar azaldıla bilər. Bu ixtisarın 3,4 milyard dolları "NASA"nın elmi tədqiqatlar bölməsinin payına düşür ki, bu da həmin istiqamət üzrə təxminən 23% azalma deməkdir.

Məlumata görə, bu qərar "NASA"nın yeni rəhbərliyinin ABŞ-ın əsas Ay proqramı çərçivəsində yeni missiyalar planlaşdırdığı bir dövrdə gündəmə gəlib.

Qeyd edək ki, təklif hələlik ilkin mərhələdədir və təsdiqlənməsi üçün ABŞ Konqresinin razılığı tələb olunur.

Sərvanə Rəmixanova