Azərbaycanda ən çox hansı sosial şəbəkələrə tələbat var?

Son 1 ildə Azərbaycanda sosial şəbəkələr üzrə istifadə dinamikasında fərqli tendensiyalar müşahidə olunub.

Valyuta.az xəbər verir ki, 2025-ci ilin fevral ayında "Instagram"ın Azərbaycandakı bazar payı 41,25% təşkil etdiyi halda, 2026-cı ilin fevral ayında bu göstərici 16,73%-ə düşüb, mart ayında isə 19,01% olub.

Bu, illik müqayisədə 24,52 faiz bəndi azalma deməkdir. Platforma son 1 ildə ən yüksək göstəricini noyabr ayında - 46,23% ilə qeydə alıb.

"Facebook" üzrə isə artım müşahidə olunub. Belə ki, 2025-ci ilin fevral ayında 21,65% olan bazar payı 2026-cı ilin fevral ayında 37,35%-ə yüksəlib. Bu isə 15,70 faiz bəndi artım deməkdir.

"YouTube"un bazar payı 2025-ci ilin fevral ayında 11,43% olduğu halda, 2026-cı ilin fevral ayında 24,12%-ə yüksəlib. Bu, 12,69 faiz bəndi artım deməkdir. Platforma ən yüksək göstəricini mart ayında - 37,09% ilə göstərib.

"LinkedIn" üzrə də artım qeydə alınıb. Belə ki, platformanın bazar payı 1,45%-dən 4,82%-ə yüksələrək 3,37 faiz bəndi artım göstərib. Ən yüksək göstərici yanvar ayında 7,73% olub.

"X" üzrə bazar payı 4,04%-dən 5,21%-ə yüksəlib ki, bu da 1,17 faiz bəndi artım deməkdir. Ən yüksək göstərici sentyabr ayında 21,23% olub.

"Pinterest" üzrə isə azalma qeydə alınıb. Belə ki, 2025-ci ilin fevral ayında 17,44% olan bazar payı 2026-cı ilin eyni dövründə 9,57%-ə düşüb. Bu, 7,87 faiz bəndi azalma deməkdir. Platforma ən yüksək göstəricini yanvar ayında 11% ilə göstərib.

Sərvanə Rəmixanova