Rusiyanın beynəlxalq ehtiyatları bir həftədə 21 milyard dollar azaldı

Rusiya Bankının məlumatına görə, 27 mart tarixinə ölkənin beynəlxalq ehtiyatları əvvəlki həftə ilə müqayisədə 21,4 milyard dollar və ya 2,8% azalaraq 755,4 milyard dollar təşkil edib.

Valyuta.az xəbər verir ki, Mərkəzi Bank azalmanın əsasən aktivlərin yenidən qiymətləndirilməsinin mənfi olması ilə bağlı olduğunu açıqlayıb. 20 mart tarixində ehtiyatlar 776,8 milyard dollara çatıb.

Beynəlxalq ehtiyatlar Mərkəzi Bank və hökumət tərəfindən saxlanılan yüksək likvid xarici aktivlərdən, o cümlədən xarici valyutadan, xüsusi borclanma hüquqlarından (SDR), Beynəlxalq Valyuta Fondundakı ehtiyat mövqeyindən və monetar qızıldan ibarətdir.

Paşa Məmmədli