“Rabitəbank” ötən il səhmdarlarına 4,5 milyon manat dividend ödəyib

“Rabitəbank”ın 31 dekabr 2025-ci il tarixinə təsdiq edilmiş, emissiya edilmiş və dövriyyədə olan səhmdar kapitalı 4,992,611 ədəd adi səhm təşkil edib.

Valyuta.az xəbər verir ki, bu göstərici 2024-cü ilin sonu ilə müqayisədə dəyişməyib. Hər bir səhmin nominal dəyəri 20,44 manat olaraq qalıb.

Hesabat dövründə adi səhmdarlar hər səhm üzrə 0,90 AZN dividend əldə ediblər. Ümumi dividend ödənişləri isə 4,5 milyon manat təşkil edib.

Müqayisə üçün, 2024-cü ildə bank tərəfindən hər səhm üzrə 1,94 AZN dividend ödənilib və ümumi məbləğ 9,7 milyon manat olub.