"SpaceX" səhmlərində kəskin eniş: İlon Mask 350 milyard dollar itirdi

"SpaceX" səhmlərində son üç gündə davam edən satış dalğası İlon Maskın sərvətinə ciddi zərbə vurub.

Valyuta.az xəbər verir ki, Forbes-in hesablamalarına görə, milyarderin sərvəti rekord 1,45 trilyon dollardan təxminən 1,1 trilyon dollara düşüb.

Şirkətin səhmləri iyunun 16-da qeydə alınan zirvədən bəri 31 faizdən çox ucuzlaşıb. Nəticədə "SpaceX"in bazar dəyəri təxminən 928 milyard dollar azalaraq 2 trilyon dollara geriləyib.

Analitiklər enişi MSCI-nin "SpaceX"ə ən aşağı ESG reytinqini verməsi, şirkətin istiqraz buraxmaq planı və AI startapı "Cursor"un 60 milyard dollarlıq satınalması ilə bağlı investor narahatlıqları ilə əlaqələndirirlər.

Buna baxmayaraq, Mask təxminən 1,1 trilyon dollarlıq sərvətlə hələ də dünyanın ən varlı insanlarından biri olaraq qalır.

Sərvanə Rəmixanova