“Storm Therapeutics” 56 milyon dollar investisiya aldı

Xərçəng müalicəsinə yönəlik dərmanlar hazırlayan “Storm Therapeutics” 56 milyon dollar investisiya alıb. 

Valyuta.az xəbər verir ki, Birləşmiş Krallıq mərkəzli “Storm Therapeutics”in bu günədək cəlb etdiyi ümumi investisiya məbləği 69 milyon dolları ötüb.

2015-ci ildə qurulan şirkət bildirib ki, cəlb olunan vəsait “STC-15” preparatının Faz 2 klinik sınaqlarını irəlilətmək və onu digər xərçəng növlərinə genişləndirməyə yönəlmiş klinik inkişaf proqramlarını maliyyələşdirmək üçün istifadə ediləcək.

Tony Kouzarides və Eric Miska tərəfindən təsis edilən “Storm Therapeutics” xərçəng müalicəsi sahəsində RNT biologiyasını hədəfləyən innovativ dərmanlar hazırlayan biotexnologiya şirkəti kimi tanınır. 

“Storm Therapeutics” xüsusilə “METTL3” adlı fermentə fokuslanır. Bu ferment xəbərçi RNT üzərində “m6A” adlanan kimyəvi dəyişikliklər edərək hüceyrələrin genetik məlumatı necə oxuyub ifadə etməsini tənzimləyir.

Mayya Hüseynova