“Paşa Bank”da təhlükəli kreditlər 4 dəfəyə yaxın artıb

“Paşa Bank”ın 2026-cı ilin birinci rübü üzrə cəmi aktivləri 9 milyard 48 milyon 57 min manat təşkil edib.

Valyuta.az xəbər verir ki, bu göstərici 2025-ci ilin eyni dövrü ilə müqayisədə 799 milyon 945 min manat və ya 9,7% artıb.

Ötən ilin birinci rübündə bankın aktivləri 8 milyard 248 milyon 112 min manat olub.

Hesabat dövründə bankın istehlak kreditləri portfeli 71 milyon 751 min manat səviyyəsində formalaşıb.

Bu göstərici 2025-ci ilin müvafiq dövründə 88 milyon 716 min manat təşkil edib. Beləliklə, istehlak kreditlərinin həcmi illik müqayisədə 16 milyon 965 min manat və ya 19,1% azalıb.

2026-cı ilin yanvar-mart aylarında bankın təhlükəli kreditlərinin həcmi 72 milyon 412 min manata yüksəlib. 

Müqayisə üçün qeyd edək ki, 2025-ci ilin eyni dövründə bu rəqəm 14 milyon 678 min manat olub.

Nəticədə təhlükəli kreditlərin həcmi 57 milyon 734 min manat və ya 393,3% artıb.

Tənzilə Ağabalayeva