ABŞ-da hakim "Fed" rəhbəri Cerom Pauellə bağlı çağırışları dayandırdı

ABŞ-da federal hakim Federal Ehtiyat Sisteminin (Fed) sədri Cerom Pauell barədə aparılan cinayət istintaqı çərçivəsində Mərkəzi Banka göndərilmiş çağırışları dayandırıb.

Valyuta.az xəbər verir ki, Vaşinqton Dairə Məhkəməsinin hakimi Ceyms Boasberq prokurorların çağırışları qanuni məqsədlə vermədiyi qənaətinə gəlib və istintaqın Pauellə siyasi təzyiq göstərmək məqsədi daşıya biləcəyini bildirib.

İstintaq "Fed"in Vaşinqtondakı baş qərargah binasının yenilənməsi layihəsi və Pauellin bununla bağlı Senatdakı ifadələri ilə əlaqələndirilir.

ABŞ mediasının məlumatına görə, baş prokuror Cenin Pirro məhkəmənin qərarından apellyasiya şikayəti verməyə hazırlaşır. Qərar isə ölkədə "Fed"in müstəqilliyi ilə bağlı müzakirələri yenidən gündəmə gətirib.

Sərvanə Rəmixanova