Nəqliyyat sahəsi üzrə biznes kreditləri son bir ildə 38% artıb

Bu ilin aprel ayında biznes kredit portfelinin ümumi həcmi 16 milyard 312,6 milyon manat olub.

Valyuta.az xəbər verir ki, bunun 2 milyard 037,9 milyon manatını nəqliyyat sahəsi üzrə verilmiş kreditlər təşkil edib.

Ötən ilin eyni dövründə nəqliyyat sahəsi üzrə biznes kreditlərinin həcmi 1 milyard 475,3 milyon manat olub.

Beləliklə, nəqliyyat sektoruna verilən biznes kreditlərinin həcmi illik müqayisədə 562,6 milyon manat və ya 38,13% artıb.

Tənzilə Ağabalayeva