Azərbaycan qızıl ixracından nə qədər qazanıb?

2026-cı ilin yanvar-aprel aylarında Azərbaycan 131.1 milyon ABŞ dolları dəyərində qızıl ixrac edib.

Valyuta.az xəbər verir ki, bu göstərici ötən ilin eyni dövrü ilə müqayisədə 35,7 milyon dollar və ya 37,42% çoxdur.

Belə ki, 2025-ci ilin yanvar-aprel aylarında ölkədən 95.4 milyon ABŞ dolları dəyərində qızıl ixrac olub.

Məlumata görə, təkcə aprel ayında ixrac edilən qızılın dəyəri 35.89 milyon dollar təşkil edib. Bu isə 2025-ci ilin aprel ayı ilə müqayisədə 5.69 milyon dollar və ya 18.84% artım deməkdir.

Qeyd edək ki, ötən ilin aprel ayında Azərbaycan 30.2 milyon ABŞ dolları dəyərində qızıl ixrac edib.

Mələk Ziyad