“Azərbaycan Sənaye Sığorta”nın avtoyığımları 45 mindən çox azaldı

Azərbaycan Sənaye Sığorta Şirkəti cari ilin ilk 3 ayında müştərilərinə 643 min 536,57 manat məbləğində sığorta ödənişi edib.

Valyuta.az xəbər verir ki, hesabat dövründə avtonəqliyyat vasitələrinin sığortası üzrə şirkətin sığorta yığımları 795 min 342,54 manat təşkil edib.

Ötən ilin eyni dövründə isə Azərbaycan Sənaye Sığorta Şirkətinin avtonəqliyyat vasitələrinin sığortası üzrə yığımları 840 min 391,16 manat, müştərilərinə etdiyi ödənişlər isə 567 min 579,32 manat olub.

Beləliklə, illik müqayisədə şirkətin bu növ üzrə yığımları 45 min 048,62 manat və ya 5,36% azalıb.

Sığorta ödənişləri isə 75 min 957,25 manat və ya 13,38% artıb.

Sərvanə Rəmixanova