"AzSığorta" ilk rübdə banklardan çox qazana bilməyib

"AzSığorta" ASC-nin bank depozitlərindən əldə etdiyi faiz gəlirləri azalıb.

Valyuta.az şirkətin maliyyə hesabatına istinadən xəbər verir ki, 2026-cı ilin ilk rübündə depozitlər üzrə faiz gəlirləri 251 min 905 manat təşkil edib.

Bu göstərici ötən ilin eyni dövrü ilə müqayisədə 35 min 178 manat və ya 12,3% azdır. Belə ki, 2025-ci ilin ilk rübündə şirkətin depozit gəlirləri 287 min 83 manat olub.

Hesabata əsasən şirkətin banklarda yerləşdirdiyi vəsaitlərdən əldə etdiyi gəlirin əvvəlki illə müqayisədə zəiflədiyi görünür.