"Bank Respublika" göstərdiyi xidmətlərdən nə qədər qazanıb? - Rəqəmlər

"Bank Respublika"nın 2026-cı ilin I rübü üzrə qeyri-faiz gəlirləri 7,785.30 min manat təşkil edib.

Valyuta.az xəbər verir ki, bu göstərici 2025-ci ilin eyni dövründə qeydə alınmış 9,488.25 min manatla müqayisədə 1,702.95 min manat və ya 17.9% azdır.

Bankın qeyri-faiz gəlirlərinin əsas hissəsi alınan haqq və komissiya gəlirlərindən formalaşıb. 2026-cı ilin yanvar-mart aylarında bu istiqamətdən gəlirlər 5,967.52 min manat olub. 2025-ci ilin I rübündə isə bu rəqəm 6,716.78 min manat təşkil edib. Beləliklə, komissiya gəlirləri illik müqayisədə 749.26 min manat və ya 11.2% azalıb.

Xarici valyutadan gəlir/zərər (məzənnə dəyişməsi daxil olmaqla) üzrə də geriləmə qeydə alınıb. "Bank Respublika" 2026-cı ilin I rübündə bu sahədən 1,808.74 min manat gəlir əldə edib. 2025-ci ilin eyni dövründə isə göstərici 2,771.47 min manat olub. Bu isə 962.73 min manat və ya 34.7% azalma deməkdir.

Digər gəlirlər üzrə bank 2026-cı ilin I rübündə 9.04 min manat gəlir əldə edib. 2025-ci ilin eyni dövründə isə bu istiqamətdə gəlir qeydə alınmayıb.

Qiymətli kağızların satışından və yenidən qiymətləndirilməsindən gəlir/zərər üzrə isə hər iki dövrdə göstərici qeydə alınmayıb.

Mayya Hüseynova