Bitkilərin sığortası üzrə ödənişlər 87%-ə yaxın azalıb

Kənd təsərrüfatı bitkiləri məhsullarının sığortası üzrə yığımlarda artım, ödənişlərdə isə azalma qeydə alınıb.

Valyuta.az xəbər verir ki, cari ilin I rübündə bu sığorta növü üzrə yığımlar 10 milyon 108 min manat təşkil edib. Ötən ilin eyni dövründə isə bu göstərici 8 milyon 652 min manat olub.

Bu da illik müqayisədə 1 milyon 456 min manat və ya 16,82% artım deməkdir.

Ödənişlər isə əksinə azalıb. Belə ki, cari ilin ilk rübündə sığorta ödənişləri 160 min manat təşkil edib.

Ötən ilin eyni dövründə bu göstərici 1 milyon 224 min manat olub. Nəticədə ödənişlər illik müqayisədə 1 milyon 64 min manat və ya 86,92% azalıb.

Sərvanə Rəmixanova