Ruzanna Bəşirova
Xərclər üzrə konsultant
Məndən borc istəyirlər, görəsən, verim?
Məndən soruşsanız, əsla borc almaq və vermək tərəfdarı deyiləm. Əlbəttə, söhbət ekstrim hallar və məbləğlərdən getmir.
Ümumiyyətlə, ekstrim məbləğlər çox risklidir və bu proseslərə qərar verilən zaman ani deyil, dəfələrlə düşünmək, düşdüyün borcun ağırlıq yükündən fiziki olmaqdan əlavə, mənəvi də çıxa bilməyi bacarmağı hesablamaq lazımdır. Məlumdur ki, çox zaman xəbərlərdə yüksək borcu və bu borcun üzərinə yığılmış faizləri görə fərqli yollara əl atan, sonda isə intihar xəbərlərini eşitdiyimiz nə qədər məlumat alırıq.
Bəs borca düşməmək üçün nə edə bilərik?
Xərclərə nəzarət üzrə konsultasiyalarımda müştərilərimlə söhbətimiz zamanı məlum olur ki, bank kreditlərinin çox əlçatan olması, eyni zamanda uzun müddətə və faizsiz verilməsi insanları “cost save” etmək əvəzinə rahatlıqla xərcləmək və təcili lazım olan məbləğlərdə borc və kreditlərə üz tutmaqdır.
Bəzən isə imkanı yaxşı olan dost-tanış və ya qohumlardan ərk ilə borc götürməyə arxayınlaşırıq.
Sizi əmin edə bilərəm ki, bizim mental münasibət dəyərlərimiz və çevrəsinə yox deyə bilməmə səbəbi ilə yaxınlarımız bizə borc versələr də, bu vəziyyətdən heç də məmnun deyillər və bu borc məsələsi onları hər zaman narahat edir.
Borcun gecikdirilməsi və ya verilməməsi isə münasibətlərin gərginləşməsi, pozulması bəzən isə düşmənçiliyə belə gətirib çıxarır.
Buna görə də gündəlik xərcləmələr zamanı müəyyən məbləğləri qoruyaraq borc və kredit əvəzinə öz büdcəmizdə toplağımız məbləğdən istifadə edə bilərik.
Bu məbləği gündəlik həyat şəraitinə uyğun olaraq müxtəlif formalarda edə bilərik. Xərclər fərdi olduğu, şəxsə görə dəyişdiyi üçün ümumi misallar gətirmək çox zaman effektli olmur. Lakin hər kəsin müxtəlif təyinatlı əlavə xərcləri mütləq ki, vardır.
Sadəcə xərcləmələrinizdə xərclərin və itkinin nə olduğunu bilmək üçün mütəxəssis köməyindən istifadə edə bilərsiniz.
Bundan əlavə əgər münasibətlərin korlanmasını istəmirsinizsə, elə ilk başda borc istəyən şəxsə “yox” demək daha sonra borcun gecikdirilməsi və ya qaytarılmaması zamanı yaranan narazılığı həm də maddi itki olmadan azaltmış olarsınız.
Xərclərinizi idarə edin ki, borclarınız sizi idarə etməsin.
