Mərkəzi Bank 2 bankın vəzifəli şəxsini cərimələdi

“Xalq Bank" və “Yapı Kredi Bank Azərbaycan” tərəfindən “Banklar və xarici bankların yerli filialları tərəfindən tərtib edilən prudensial hesabatların forması, məzmunu və təqdim edilməsi Qaydası”nın tələblərinə əməl olunmaması qeydə alınıb.

Valyuta.az xəbər verir ki, bununla əlaqədar olaraq, “Banklar haqqında” Azərbaycan Respublikası Qanununun 47-ci maddəsi rəhbər tutulub və İnzibati Xətalar Məcəlləsinin 439.2-ci maddəsinə əsasən hər iki bankın vəzifəli şəxsi inzibati məsuliyyətə cəlb edilib.

Nəticədə həm “Xalq Bank"ın, həm də “Yapı Kredi Bank Azərbaycan”nın vəzifəli şəxsləri 1 500 manat məbləğində cərimə olunub.

Qeyd edilib ki, hesabatlıq forması üzrə yol verilmiş pozuntular bankların maliyyə dayanıqlılığına təhdid yaratmır.