Mərkəzi Bankın biznes mərkəzindəki ofisləri satışa çıxarılır - QİYMƏTLƏR

Azərbaycan Mərkəzi Bankı 21 may tarixində balansında olan daşınmaz əmlakların satışı üzrə hərrac keçirəcək. Hərraca ümumilikdə 38 qeyri-yaşayış sahəsi çıxarılır.

Valyuta.az xəbər verir ki, əmlakların böyük hissəsi Xətai rayonu, 8 Noyabr prospektində yerləşən “Amay TM” biznes mərkəzindədir.

İlkin satış qiymətləri 60 min manatdan başlayaraq 40 milyon manatdan çox məbləğə qədər dəyişir. Ən ucuz obyektlər 74,2 kvadratmetr sahəsi olan ofislərdir və onların başlanğıc qiyməti 60 min manat təşkil edir. Daha yüksək qiymətli ofislər isə 200 kvadratmetrdən artıq sahəyə malik olub, qiymətləri 481 min manata qədər yüksəlir.

Hərraca çıxarılan ən bahalı obyekt Xətai rayonu, Əhmədli qəsəbəsi, Məhəmməd Hadi küçəsində yerləşir. Sahəsi 15 778,1 kvadratmetr olan bu əmlakın ilkin satış qiyməti 40 373 172 manatdır. Bundan başqa, Nərimanov rayonu, Məmməd Araz küçəsində yerləşən 9 619,5 kvadratmetrlik obyekt 16,4 milyon manat, Yasamal rayonu, Mirəli Seyidov küçəsində yerləşən 1 750,8 kvadratmetrlik obyekt isə 5,236 milyon manat başlanğıc qiymətlə satışa çıxarılır.

Əmlaklarla daha ətraflı tanışlıq üçün linkə keçid edə bilərsiz: