Aylıq xalis gəliri 5 min manat olan restoran biznesi satışa çıxarılıb

Bakıda fəaliyyət göstərən “Numbeer Restaurant and Music Pub” restoran biznesi satışa çıxarılıb.

Valyuta.az xəbər verir ki, satışa obyekt deyil, yalnız hazır və işlək biznes təklif olunur.

İki ildən artıqdır fəaliyyət göstərən restoranın daimi müştəri bazasına malik olduğu və əlavə investisiya tələb etmədiyi bildirilir. Obyekt aylıq 2 300 manat icarə əsasında fəaliyyət göstərir.

Restoranın tərkibində 6 ayrı kabinet, 9 masa, kababxana bölməsi və çölə dürüm satışı xidməti mövcuddur. Müştərilər üçün müxtəlif idman qarşılaşmalarının izlənməsi məqsədilə zalda və kabinetlərdə televizorlar quraşdırılıb, beynəlxalq idman kanallarına çıxış təmin edilib.

Müəssisənin bütün mətbəx avadanlıqları, soyuducular, istilik sistemi, isti döşəmə, aspirasiya sistemi və digər zəruri avadanlıqlarla tam təchiz olunduğu qeyd edilir.

Sahibinin bildirdiyinə görə, obyekt hazırda fəaliyyət göstərir və aylıq xalis gəliri ən azı 5 min manat təşkil edir. Potensial alıcılar gündəlik və həftəlik dövriyyə ilə yerində tanış olmaq, həmçinin biznesin fəaliyyətini bir neçə gün müşahidə etmək imkanı əldə edə bilərlər.

Biznesin satış qiyməti 65 min manat olaraq müəyyənləşdirilib.

Ətraflı məlumat üçün 055 202 50 09 nömrəsi ilə əlaqə saxlamaq olar.

Mayya Hüseynova