"OpenAI" maliyyə startapı "Hiro"nu satın aldı

"OpenAI" süni intellekt əsaslı şəxsi maliyyə startapı olan "Hiro"nu satın aldığını təsdiqləyib. 

Valyuta.az xəbər verir ki, 2023-cü ildə yaradılan "Hiro" istifadəçilərin gəlir, borc, əmanət və xərclərini təhlil edərək maliyyə planlaşdırması aparan platforma idi. 

Bildirilir ki, sövdələşmənin maliyyə detalları açıqlanmayıb.

Satınalmadan sonra "Hiro" 20 apreldən fəaliyyətini dayandıracaq, istifadəçi məlumatları isə 13 maya qədər silinəcək.

Beləliklə, təxminən 10 nəfərlik "Hiro" komandası "OpenAI"yə qoşulacaq.

Bu satınalma "OpenAI"nin "ChatGPT"ni maliyyə analizi və planlaşdırma sahəsinə genişləndirmək niyyətini göstərir.

Sərvanə Rəmixanova