Proqramçı olmaq üçün riyaziyyatı mükəmməl bilmək vacibdir?

Proqramçı Dilarə Zamanova Valyuta.az üçün yazır...

Əbəs yerə deyil ki, gənclərdən və valideynlərdən soğru aparıldıqda hər zaman ən tələbatlı sahə kimi IT sahəsi ön plana çıxır. Lakin ardınca da sual yaradan bir məsələ insanları düşündürür: Riyaziyyat biliyi nə dərəcədə lazımdır?

Maraqlıdır, hazırkı dövrün və gələcəyin ən tələbatlı  sahəsi IT öyrənmək üçün ali dərəcədə riyaziyyat biliyinə ehtiyac varmı? Riyaziyyat biliklərimiz zəif də olsa, biz proqramçı ola bilərik?

Bu sualın cavabı ikişaxəlidir. Çünki IT-nin elə sahələri var ki, onları öyrənmək üçün mütləq ali riyaziyyat biliyi tələb olunur. Məsələn, əsl kompüter mühəndisi olmaq üçün biz “Backend”(Arxa hissə IT) bilməliyik. “Backend” hissə bir neçə proqramlaşma və makinə dilinə bölünür. Bunlar sırası ilə “PHP”, “Java”, “Python”, “C”, “C++”, “C#”-dir ki, bu dillərin hər birində alqoritm yaratmağa ehtiyac olur Alqoritm yaratmaq üçün isə bizim ali riyaziyyata ehtiyacımız var. Əlavə olaraq misalların da haradasa hər birində intagerdən, yəni daim tam olan rəqəmlərdən istifadə olunur ki, bu da misallarda tez-tez riyazi misallar həll etməli olduğumuzun göstəricisidir.

Buna baxmayaraq “Mən proqramçı olmaq istəyirəm, amma riyaziyyatım yaxşı deyil” deyən adamlar da heç heyfsilənməməlidir. Çünki proqramlaşdırma tək "Backend"dən ibarət deyil, “Frontend”(qabaq üz) də var ki, bu web dizayn hesab olunur və biz “Frontend”in yardımı ilə bütün saytımızı və mobil tətbiqlərimizi yarada bilirik. Və ən əsası “Frontend” öyrənən zaman bizə ali riyaziyyat deyil, orta riyaziyyat kifayət edir. Çünki bəzi elementlərin ortalaması, kalkulyator və başqa bir neçə detalı çıxmaqla demək olar ki, "Frontend"də riyazi misallardan çox istifadə olunmur. 

Deyək ki, "Frontend"i öyrəndiniz və "full stack" developer olmaq üçün "Backend"i də öyrənmək istəyirsiniz, amma riyaziyyatınız hələ də güclü deyil, bunun da çarəsi var. Belə ki, siz "Frontend"i öyrənərkən eyni zamanda riyaziyyat məşğələlərinə gedərək, riyaziyyatınızı da gücləndirib, "Frontend"ə əlavə olaraq, "Backend" dillərindən ən az birini və ya bir neçəsini də öyrənərək "full stack" developer ola bilərsiniz.