Şirkət 6 milyard dollar dəyərləndirmə ilə 700 milyon dollar investisiya alıb

ABŞ mərkəzli “Hark” 700 milyon dollarlıq A seriyası investisiya turunu tamamlayıb. İnvestisiya turuna “Parkway Venture Capital” liderlik edib. 

Valyuta.az xəbər verir ki, 2025-ci ildə yaradılan “Hark”ın dəyərləndirməsi investisiyadan sonra 6 milyard dollara çatıb.

Şirkət yeni vəsaiti süni intellekt araşdırmaları, avadanlıq inkişafı, yüksək ixtisaslı mütəxəssislərin işə qəbulu və yüksək hesablama gücü təmin edən məlumat mərkəzi infrastrukturunun genişləndirilməsi üçün istifadə edəcəyini bildirib.

Brett Edkokun (Brett Adcock) təsis etdiyi “Hark” istifadəçilərin rəqəmsal mühitlə qarşılıqlı əlaqəsini asanlaşdırmağa yönəlmiş süni intellekt texnologiyaları hazırlayır. Şirkət mətn, səs və görüntünü eyni vaxtda emal edə bilən multimodal süni intellekt modelləri üzərində çalışır. Bununla yanaşı, “Hark” bu sistemləri dəstəkləyəcək xüsusi avadanlıq qurğuları da hazırlayır.

Mayya Hüseynova