“Yüksəliş” müsabiqəsinin qalibinə dövlət şirkətində yeni vəzifə verildi

Üçüncü "Yüksəliş” müsabiqəsinin qalibi Faiq Hüseynov yeni vəzifəyə təyin olunub.

Valyuta.az xəbər verir ki, ona “Aqrar İnnovasiya və Təchizat Şirkəti” ASC-də direktor müavini vəzifəsi həvalə olunub.

Bu təyinata qədər isə 2025-2026-cı illərdə “Aqrar Tədarük və Təchizat” ASC-də İdarə Heyətinin üzvü, 2024-2025-ci illərdə isə Aqrar Sığorta Fondunda daxili audit və nəzarət şöbəsinin rəhbəri vəzifəsində işləyib.

F.Hüseynov, 2010-2014-cü illərdə Azərbaycan Dövlət Neft Akademiyasında beynəlxalq iqtisadiyyat ixtisası üzrə bakalavr, 2015-2016-cı illərdə ADA Universitetində maliyyə ixtisası üzrə biznesin idarəedilməsi magistr dərəcəsi (MBA) əldə edib.

O, ingilis və rus dillərini bilir.

Mayya Hüseynova